આજથી ૧૪૦૦ વર્ષ પહેલા ઈમામ હુસૈન અ.સ. એ સત્ય અને અહિંસાનો માર્ગ અપનાવી ઈન્સાનિયતને દુનિયા માં બાકી રાખવા માટે પોતાના અને પોતાના પરિવારજાનોનાં જીવનનું બલિદાન આપ્યું. એ બલિદાને અરબ દેશોમાં ફેલાતા જતા અત્યાચાર, હિંસા, ખુના મરકી, શરાબ, વ્યભિચાર, જેવા દરેક ખરાબ કાર્યોને અટકાવી દીધા. અમારો હેતુ ઈમામ હુસૈન અસ.ની આ આહુતિનાં સંદેશને લોકો સુધી પહોચાડી, આપણા માહોલ માં એક પોઝીટીવ ચેન્જ લાવવાનો છે.

કારણ કે જયારે ઇમામ હુસૈન અ.સ. પોતાનાં કુટુંબીજનો સાથે પોતાનું વતન છોડી જઈ રહ્યા હતા ત્યારે કહે છે.
‘‘ હું એટલા માટે નથી જઈ રહ્યો કે ધરતી ઉપર લોહી વહાવાડાવું, ફસાદ કરું કે લોકો પર અત્યાચાર કરું. પરંતુ એટલા માટે જઈ રહ્યો છું કે માનવતાની સુધારણા કરું.’’

જેથી અલગ અલગ પ્રવ્રુત્તી દ્વારા અમો ઈમામ હુસૈન અ.સ. નો સત્ય અને અહિંસાનો મેસેજ આમ જનતા સુધી પહોચાડવાની કોશિશ કરી રહ્યા છીએ. અગર અમારી આ માહિતી માં અમારા માટે કોઈ સુધારા અથવા સૂચનો હોઈ તો મહેરબાની કરીને અમારા મેઈલ આઈ ડી પર જરૂર મોકલશો.